Hvordan referere
Sammendrag
Ingrid Gjertsen er den nolevande forskaren som har arbeidd lengst og mest grundig med religiøs folkesong i Norge. I 1978 tok ho hovudfag i musikkvitskap med oppgåva Sangtradisjonen blant lekfolket i Luster, hovedkilde Ragnar Vigdal. Sidan, med yrkesmessig tilhaldsstad på Arne Bjørndals samling ved Universitetet i Bergen, har ho halde fram med innsamling, arkivering og forsking omkring dette materialet, men òg utvida arbeidsfeltet til å omfatta den nyare musikken innan lekmannsrørslene. I det heile har ho vore oppteken av kva folk faktisk syng, og freista å gripa songen si meining som kulturell praksis i eit sosialt miljø. Hennar arbeidsmåtar ligg difor nærare dagens etnomusikologi (og anna kulturforsking) enn den nasjonalromantisk influerte musikkvitskapen og folkloristikken, der songen først og fremst vart tillagt verdi som kunst, nasjonal lyd- eller tekstartefakt og kulturarv.