Åshild Næss (2011) Global grammatikk. Språktypologi for språklærere

Abstract

Eg vil starte med å seie at dette er ei god bok. Boka har tittelen "Global grammatikk" og undertittelen "Språktypologi for språklærere". Det er altså ei bok om grammatisk språktypologi med, i utgangspunktet, tilfang frå alle verdas språk, sjølv om det naturleg nok er plass til å nemne berre nokre få av dei ca. 6000 ulike språka som finst i verda. Boka skal i tillegg vere spesielt innretta mot språklærarar. Bortsett frå at Kunnskapsløftet er nemnt her og der, er det ingen grunn til at berre språklærarar skulle ha glede eller nytte av denne boka, for den gir eit svært så interessant innblikk i grammatisk variasjon og i grammatiske fenomen som, for ein språkleg eurosentrert nordmann (som dei fleste nordmenn nok er), verkar svært så "eksotiske".