Innsending av bidrag: Artikkel til NLÅ skal sendast til redaktørane i Word-format og med font Times New Roman, 12 pkt:
Redaktørane vil gjera vurdering av artikkel og gje tilbakemelding. Når manuskriptet er klart til innsending til fagfelle, vil redaksjonen gjera manuskriptet anonymt. Fagfellen får om lag ein månad på seg til å vurdere artikkelen. Artikkelforfattaren vil så få tilsend vurderinga frå fagfellen og eventuelt fleire kommentarar frå redaktørane.
Omfang: Ofte vil ein vitskapleg artikkel ha eit omfang på mellom 15 og 20 sider, men det vil òg vera rom for både lengre og stuttare tekstar.
Språkføring: Artikkel som skal sendast inn for vurdering, skal vera godt gjennomarbeidd, ha god språkføring og vera godt korrekturlesen.
Samandrag: Artiklar skrivne på norsk, svensk eller dansk skal ha eit samandrag utan overskrift på inntil 150 ord på same språket som artikkelen. Dette samandraget står som ingress. I tillegg skal artikkelen ha eit tilsvarande samandrag på engelsk, som skal stå under samandraget på artikkelspråket. Skriv "Summary" som overskrift for dette.
Nøkkelord: Under samandraget skal det stå "Nøkkelord:" fylgt av fem til sju nøkkelord. Desse skal òg stå på engelsk, under «Summary» som «Key words».
Overskrifter: Artikkelen skal ha ein tittel og skal også utstyrast med underoverskrifter som fortel om innhaldet for kvar del av artikkelen.
Avsnitt: Nytt avsnitt skal markerast med innrykk.
Sitat: Lengre sitat (tre liner eller meir) skal ha innrykk og ei blank line før og etter.
Notar: Manuskriptet skal ha fotnotar, ikkje sluttnotar. Notane skal ha nummerreferanse, og dei skal plasserast etter eventuelt komma, punktum osb. Dersom ein ynskjer ein eigen informasjonsfotnote, skal den setjast på fyrste overskrifta, dvs. på innleiingsoverskrifta.
Kjelder og kjeldebruk: Referansestilen er Chicago.
Forfattarinformasjon: Heilt til slutt i manuskriptet skal forfattarinformasjon stå, med desse opplysingane: namn, fødselsår, tittel/fagleg tilknyting, arbeidsstad, siste publikasjonar, eventuelt forskingsområde, og e-postadresse.