Genus og bøying i vossamålet: Med utgangspunkt i historiske data og innsamla data frå 2022

Sammendrag

Artikkelen gjev eit innblikk i den historiske utviklinga til genus og substantivbøying i vossamål, basert på eldre undersøkingar samanlikna med eksperimentelle talemålsdata frå 2022, med 64 informantar i tre ulike aldersgrupper. Artikkelen diskuterer relasjonen mellom genus og substantivbøying og spørsmålet om genus predikerer bøying. Den historiske utviklinga går mot ein tettare relasjon mellom genus og substantivbøyinga ved at det nærmar seg eit 1:1 høve mellom genus og suffiks. Datainnsamlinga frå 2022 viser at det tidlegare så stabile genussystemet er i ferd med å verta ustabilt i hokjønn hjå born og unge deltakarar. 66 % (29/44) av born og unge vekslar mellom hokjønnsartikkelen ai og hankjønnsartikkelen ain føre hokjønnsord, medan substantivendinga i bunden form eintal er stabil. Relasjonen mellom genus og substantivbøyinga endrar seg parallelt med at genussystemet endrar seg.