Lars Holdhus: Gasta greie. Ord og uttrykk frå Fusa. Med bidrag av Ella Marie Brekke Vangsnes og Gunnstein Akselberg

Sammendrag

Eg har ei vakker bok liggjande framfor meg på skrivebordet, såpass vakker at eg er svært velvillig stemt når eg no skal skrive ei melding av boka. På omslaget er det eit forseggjort svart-kvittbilde av ei "grepa kåna" og ein "gasta kar" i tidleg 1950-talskostyme framfor ein gulkolorert Ford i eit vestlandslandskap. For dette er ikkje ei sjaskete og halvhjarta utgiving av ei liste med rare og uforståelege lokale ord og uttrykk som har gått ut av tida for fleire generasjonar sidan, det er ei bok som tydeleg er laga med kjærleik. Utgivarane har eit skikkeleg forlag i ryggen, layouten er lekker, boka er gjennomillustrert av bildekunstnar Anja Tveiterås, og den er full av muntre teksteksempel og like muntre anekdotar. Den ber i det heile preg av å vere eit kjærleiksbarn og eit overskotsprodukt.